- Գտե՛ք x թիվը, եթե նրա և 3-ի հարաբերությունը նույնն է, ինչ որ`
ա) 2 ։ 1, դ) 5 ։ 4, է) 8 ։ 1, ժ) 3 ։ 5,
բ) 6 ։ 2, ե) 1 ։ 7, ը) 2 ։ 7, ժա) 10 ։ 2,
գ) 2 ։ 22, զ) 21 ։ 3, թ) 20 ։ 4, ժբ) 19 ։ 5։ - Գնացքն ամբողջ ճանապարհի 1/3-ն անցնում է 14 ժամում։ Ինչքա՞ն ժամանակում այն կանցնի ամբողջ ճանապարհը։
- Բնակարանի մակերեսը 72 մ² է։ Նրա հատակը ներկելու համար պահանջվում է 48 կգ ներկ։ Քանի՞ կիլոգրամ ներկ է անհրաժեշտ խոհանոցի հատակը ներկելու համար, եթե նրա մակերեսը 24 մ² է։
- 1200 կգ հանքաքարից ստացել են 100 կգ պղինձ։ Ինչքա՞ն պղինձ կստացվի 60 կգ հանքաքարից։
- Ստուգողական աշխատանքից անբավարար գնահատական է ստացել 24 աշակերտ: Անբավարար գնահատական ստացածների քանակը հարաբերում է դրական գնահատական ստացածների քանակին,ինչպես 3 ։ 7։ Քանի՞ աշակերտ է դրական գնահատական ստացել։
- Երկու կաթնամանների տարողությունները հարաբերում են, ինչպես 11 ։ 5։ Քանի՞ լիտր կաթ կտեղավորվի առաջին կաթնամանում, եթե երկրորդի տարողությունը 25 լ է։
- 160 գ ծովի ջրում պարունակվում է 8 գ աղ։ Քանի՞ գրամ ծովի ջուրն է պարունակում 56 գ աղ։
- Բանվորը 8 ժ աշխատելու համար ստանում է 2500 դրամ։ Քանի՞ դրամ կստանա բանվորը 12 ժ աշխատելու համար։